A páxina web www.galicia10.com está dispoñible, desde hoxe, en versión bilingüe. Tras pouco máis de ano e medio de traxectoria o proxecto quere dar, deste xeito, un paso máis no seu compromiso coa lingua galega. Ata o de agora a revista incorporaba artigos tanto en galego como en castelán, aínda que a web estaba íntegramente neste último idioma.
Desde este luns os lectores teredes a posibilidade de escoller a lingua que prefirades clicando na bandeira correspondente que atoparedes na marxe superior dereita. Polo de agora tanto a revista como o blog seguirán combinando ámbalas dúas linguas.
Era unha das demandas de moitos dos fans da revista e un dos compromisos do proxecto.
