De xaneiro a novembro, a comunidade rexistrou un total de 3.571.162 viaxeiros aloxados en establecementos de turismo regrado. Ademais, chegaron 5.237.911 excursionistas estranxeiros, segundo os datos de Frontur.
Galicia recibiu nos once primeiros meses do ano un total de 8.809.073 visitantes, un 5,9% máis respecto ao mesmo período do pasado Ano Santo. Os últimos datos do Instituto Nacional de Estadística (INE) revelan que a nosa comunidade recibiu no período que vai de xaneiro a novembro deste ano un total de 3.571.162 viaxeiros aloxados en establecementos de turismo regrado, á espera de coñecer a final de ano os últimos datos da oferta extrahoteleira no mes de novembro.
A estas cifras hai que engadir o número de excursionistas estranxeiros que chegaron a Galicia e que, segundo os últimos datos de Frontur, que analiza os movementos en fronteira, suman un total de 5.237.911. Este dato supón un 22,6% máis respecto dos recibidos no ano 2010. A maioría deles son excursionistas procedentes de Portugal (93,3%) e realizan a viaxe en vehículo propio (99,7%).
