A Feira do Viño do Ribeiro incorpora, en 2012, novidades, entre elas as súas datas de celebración (primeira fin de semana de maio 4, 5 e 6), e tamén novo formato, xa que incorporará novas actividades encamiñadas a mellorar o turismo enolóxico e gastronómico, dinamizar a economía e incrementar a investigación arredor do viño do Ribeiro. A feira busca consolidar a Ribadavia como un referente vitivinícola e gastronómico.
Durante toda a semana haberá diferentes actividades relacionadas co evento. Do 24 ao 26 de abril, a UNED Ourense, en colaboración co Concello de Ribadavia organizará o curso “1492: América descubre el vino del Ribeiro”, que terá lugar no Salón de Actos da Casa da Cultura de Ribadavia. A temática deste curso débese a que neste 2012 cúmprese o 520 aniversario da travesía de Cristovo Colón cara América, levando consigo na súa viaxe o viño de Ribadavia, polo que o Ribeiro foi o primeiro viño en chegar a América.
Por outra banda o Concello de Ribadavia vai a pór en marcha unha iniciativa destacada: o “Tren dos Viñedos”, que sairá dende o Castelo de Ribadavia e fará dous percorridos polas distintas paisaxes vitivinícolas da comarca, seguindo roteiros que permitirán admirar a beleza paisaxística do Ribeiro, os famosos socalcos e as construcións e granxas medievais do viño. Ademais, varias das entidades vencelladas á Ruta do Viño do Ribeiro, a través da axencia de viaxes Entretempos, van levar a cabo diferentes actividades e paquetes turísticos que contarán con experiencias enoturísticas e gastronómicas para atraer aos visitantes e turistas durante os días da Feira do Viño do Ribeiro.
