Lugo acadou, finalmente, o terceiro posto no certame a nivel estatal que escolleu á Capital Española da Gastronomía 2012. Lugo convértese así na terceira cidade gastronómica do estado, por detrás tan só de Logroño e Valladolid neste galardón outorgado pola Federación Española de Hostelería (FEHR) e a Federación Española de Periodistas y Escritores de Turismo (FEPET).
Era a primeira vez que a cidade de Lugo competía nun certame deste tipo. O fallo do xurado valorou a calidade dos produtos da provincia e o esforzo dos hostaleiros e profesionais lucenses por mellorar nos últimos anos tanto no servizo aos clientes como na presentación dos distintos produtos elaborados.
A cidade de Lugo competía con outras 9 cidades de todo o estado por este galardón: Sevilla, Logroño, Xixón, Segovia, Cidade Real, Oviedo, Valladolid, Granada e Santiago de Compostela.
