A cidade da Coruña acollerá do 16 ao 20 de setembro a primeira edición do Festival Marea Alta, un evento pioneiro de carácter internacional dedicado ao mundo mariño.
A través dun programa multidisciplinar que abrangue exposicións, proxeccións, talleres fotográficos, debates, encontros… trata de xuntar arte, ciencia e compromiso co obxectivo de preservar os océanos.
Celebrarase en diferentes puntos da cidade como a Casa dos Peixes, a Domus, o Kiosco Alfonso, Palexco, os xardíns de Méndez Núñez, a lonxa ou os mercados e contará coa participación de National Geographic, o Marine Stewardship Council (MSC), fotógrafos de renome como Daniel Beltrá ou Juan Pablo Moreiras, realizadores como Jorge Cadán, ademais de artistas e activistas surferos como Skeleton Sea.
Máis información en Festivalmareaalta.org
