O buscador de hoteis trivago.es acaba de publicar os mellores hoteis de España para aloxarse en 2017. A selección de gañadores fíxose tendo en conta todas as opinións de usuarios recollidas en trivago rating Index, un índice que recompila valoracións de webs de todo o mundo.
Os aloxamentos de Galicia foron finalistas en dúas categorías. Alén do Mar en Fisterra (A Coruña) está entre os mellores de España na categoría de Hotel 3 estrelas; mentres que o aloxamento Torre do Río en Caldas de Reis (Pontevedra) atópase entre os mellores aloxamentos alternativos.
Cataluña, Andalucía, Illas Baleares e Asturias foron as comunidades con maior numero de finalistas nuns premios, os trivago Awards, que destacan hoteis de diferentes categorías, así como os que teñen mellor relación calidade-prezo. Neste último caso, o gañador foi un albergue de Barcelona, o Hostel One Paralelo.
