Tal e como fixo hoxe público o Instituto Nacional de Estadística (INE), o número de viaxeiros aloxados en hoteis da nosa comunidade, durante o pasado mes de outubro, aumentou case un 9% con respecto ao mesmo mes do ano anterior. As pernoitas, pola súa banda, creceron un 9,5%.
Por provincias, a maioría dos viaxeiros elixiron A Coruña, seguida de Pontevedra, Lugo e Ourense, cunha estancia media de 1,86 días. Ademais, a ocupación media das prazas dos hoteis galegos foi do 38,5%.
