O Auditorio Mar de Vigo acolle, mañá xoves, a segunda edición dos Encontros Cluster Turismo de Galicia que se celebra baixo o título Obxectivo 5 millóns: Retos e oportunidades da comercialización e tecnoloxía do Destino Galicia.
A xornada tratará de profundar nas novas formas de comercialización dentro do sector turístico así como expor solucións aos retos que supón a irrupción e os cambios que se produciron na forma na que o viaxa o turista 2.0.
O encontro incluirá mesas redondas e varios relatorios con expertos nacionais e internacionais como o presidente de Segittur, Antonio López, a ex responsable de VisitLondon, a consultora Mady Keup, ou Raúl García, un dos expertos en comercialización MICE e novas tecnoloxías.