O venres, 23 de maio, Raquel Andueza e a agrupación barroca La Galanía serán os encargados de inaugurar o Festival de Música Cidade de Lugo, no Círculo das Artes ás 20.30 horas cun programa titulado Alma Mía que repasa diferentes arias de ópera do compositor italiano Antonio Cesti.
Nesta edición, o decano dos festivais galegos, contará ademais con intérpretes como Fabio Biondi, a mezzo Marianne Beate Kielland, o chelista Thomas Demenga, o violinista Manfredo Kraemer ou o pianista Enrico Pace xunto a agrupacións como The Rare Fruits Council, La Real Filharmonía de Galicia, a Camerata de la Orquesta Sinfónica de Galicia, Ars Combinatoria ou a orquestra barroca Música Acordada.
