Imaxe: Trivago.es
O Gran Hotel La Toja sitúase como o cuarto establecemento dun ranking que suma os 10 mellores hoteis de praia de España, segundo a súa reputación online. Esta selección foi realizada por trivago.es tendo en conta a valoración por parte dos usuarios de internet, a relación calidade prezo e o seu posicionamento privilexiado xunto ao mar.
Do Gran Hotel La Toja destacan que está rodeado polo océano Atlántico, as súas cinco estrelas e as súas modernas técnicas de balneoterapia e hidroterapia.
Xunto con este hotel, o único galego do ranking, encóntranse o Seaside Grand Hotel Residencia de Las Palmas de Gran Canaria; o Hotel Boutique La Mar de Castellón; Hipotels Gran Conil en Cádiz; La Moraleja en Mallorca; Hotel Vistabella en Girona; Marítimo Ris en Cantabria; Hotel de Londres e de Inglaterra en Guipúscoa; Hotel Atrium en Murcia e Hotel Villa Rosario en Asturias.
