Turismo de Galicia pon en marcha a partir de hoxe e ata o 20 de agosto o programa Vive o castelo na fortaleza de Monterrei.
Trátase dun conxunto de actividades lúdico-culturais que se desenvolverán co obxecto de dinamizar o ámbito, de maneira que o propio edificio e os espectáculos programados amplíen a oferta turística deste territorio.
Ademais, o programa inclúe nove visitas guiadas e teatralizadas que terán lugar cada xoves, entre os días 23 de xullo e 20 de agosto, que lle darán á cidadanía a oportunidade de visitar tanto o conxunto histórico coma os espazos exteriores.
