A Organización Mundial do Turismo (OMT) e o Grupo Cidades Patrimonio da Humanidade de España asinarán mañá en Santiago un acordo marco de colaboración co obxectivo de promover o papel do Patrimonio Mundial como elemento clave no desenvolvemento turístico sostible.
As dúas entidades cooperarán na execución de proxectos comúns en canto a desenvolvemento de programas de formación, organización de foros e seminarios, actividades de investigación e desenvolvemento, e comercialización do produto turístico Patrimonio Mundial.
Tras a firma dará comezo o seminario sobre colaboración público-privada “El rol del Patrimonio Mundial Material e Inmaterial en la configuración de productos turísticos innovadores”, organizado pola OMT en colaboración co Grupo Ciudades Patrimonio.
