
O Ciclo de Grandes Intérpretes do Teatro Colón da Coruña regresa este fin de semana coa actuación de Tempest Trío, o próximo domingo, 25 de xaneiro, ás 20:00 horas.
O Tempest Trío está formado por Ilya Kaler (violín), Alon Goldstein (piano) e Amit Peled (cello), a suma de tres solistas virtuosos que, unidos, son un dos tríos máis interesantes da escena internacional.
O trío chega á Coruña tras actuar, nos últimos anos, en escenarios de cidades de EUA como Chicago, Seattle, Palm Beach ou Washington, ademais de ofrecer recitais en Alemaña ou debutar en España en 2014.
As entradas están á venda a un prezo de entre 12 e 15 euros para un programa no que soarán composicións de Rachmaninov, Dvorak e Schumann. VENTA DE ENTRADAS