Paradores e o Grupo de Cidades Patrimonio da Humanidade de España, formado por 15 concellos, renovan o seu convenio de colaboración para continuar promovéndose conxuntamente.
Ambas as dúas entidades cumpren 10 anos de colaboración e, nesta ocasión, os seus esforzos teñen como obxectivo a organización de viaxes de familiarización para dar a coñecer os destinos patrimoniais que contan cun establecemento da cadea hoteleira pública ademais da realización de concursos e campañas de difusión.
A finalidade destas accións é conseguir que os visitantes coñezan os ámbitos históricos, artísticos, sociais e culturais das Cidades Patrimonio nas que se localizan os aloxamentos e restaurantes da rede de Paradores, coa creación e promoción de paquetes turísticos que complementen os eventos culturais e de ocio destas cidades.
