Alcalá de Henares acolleu a Comisión de Turismo do Grupo de Cidades Patrimonio da Humanidade de España na que se fixo repaso dos distintos programas en marcha no marco do Plan Operativo 2015, como a presenza en grandes feiras, produción dun novo vídeo promocional, continuidade de proxectos comúns…
Xunto a estes temas, tratáronse outros como a elaboración dun novo produto, Turismo Familiar nas Cidades Patrimonio, que estará listo no verán; a edición dunha nova guía turística sobre as 15 cidades a cargo dunha prestixiosa editorial especializada en viaxes para a súa venda en librarías; e o segundo ciclo de concertos Música de Cámara nas Cidades Patrimonio, que se inaugurará o venres 13 de marzo na capela de San Ildefonso de Alcalá de Henares.