O gasto dos turistas internacionais en Galicia superou os 695,22 millóns de euros entre xaneiro e setembro de 2014, un 19,6% máis que no mesmo período do pasado ano.
En setembro, os turistas internacionais gastaron case 105,63 millóns na comunidade, o que supón un aumento do 26,5% respecto ao mesmo mes de 2013.
En canto ao gasto medio por turista, nos nove primeiros meses do ano foi de 855,01 euros, mentres que en setembro ascendeu 912,24 euros.
Francia, Portugal e Reino Unido son os países que xeraron un maior gasto total en Galicia ata setembro, co 19, 13 e 12% do total, respectivamente.
Ademais, o turismo internacional rexistrou na Comunidade galega unha mellora importante en setembro con aumentos do 23% na cifra de viaxeiros aloxados e do 17% nas pernoctacións.
