O próximo venres, 7de agosto, a partir das 20:00 horas, Avión celebra unha nova edición da súa tradicional Festa Mexicana.
Trátase dunha homenaxe que o municipio realiza aos seus familiares do outro lado do charco e que regresan cada verán á súa localidade natal.
Música en directo a cargo dun grupo de mariachis, piñatas, actividades gratuítas para os máis pequenos e unha mostra de gastronomía a cargo de tres dos mellores restaurantes mexicanos da comunidade forman parte do programa festivo.
