O chiringuito Sinás, en Raxó, Pontevedra foi galardoado, xunto con outros cinco establecementos, polas súas iniciativas sustentables dentro dos IV Premios Chiringuitos Responsables, outorgado polo Ministerio de Medio Ambiente a través da Fundación Biodiversidade.
Os outros chiringuitos que obtiveron un recoñecemento atópanse en Cantabria, Barcelona, Cádiz e Castellón. Ademais, o público, a través das redes sociais, destacou un chiringuito de Mallorca. En total, presentáronse 88 establecementos das 10 comunidades con costa do noso país.
As iniciativas premiadas estiveron relacionadas con reciclar, minimizar o uso da auga, o uso eficiente da enerxía, a sensibilización ambiental, o fomento do consumo de produtos ecolóxicos ou limpar e conservar a praia, entre outros.
