O Circo do Sol regresará á cidade da Coruña en decembro para presentar o seu espectáculo Varekai cun total de oito actuacións no Coliseum. En concreto, entre o 22 e o 28 de decembro.
A produción rende homenaxe “ao espírito nómade, á alma e á arte da tradición do circo, así como á infinita paixón dos que buscan o camiño que leva a Varekai”.
Os interesados poderán adquirir as entradas a través do Cirque Club, os días 10 e o 11 deste mes, mentres que a venda xeral se abrirá o día 12.
