A Coruña (82,22) é a provincia con mellor reputación online de España. Por detrás quedan o resto de galegas nesta orde: Lugo (80,96), Pontevedra (80,69) e Ourense (80,66), segundo un estudo realizado por trivago.
En canto a cidades, Santiago de Compostela é a terceira mellor valorada de España con 82,90 puntos, aínda que xa en 2013 foi seleccionada a mellor de España. As outras cidades galegas analizadas son Vigo (80,46), no posto 26, e A Coruña (80,40) no posto 28.
A Coruña é xunto con Córdoba (82,01) e Navarra (82) a única provincia que supera os 82 puntos sobre cen no informe de trivago, e polo tanto das que máis satisfeitos deixan aos seus clientes no que a aloxamento se refire.
Os usuarios tenden a deixar mellores opinións en hoteis pequenos e familiares, onde a atención adoita ser máis personalizada, é por iso que as provincias mellor valoradas son as que dependen máis de turismo rural ou de interior e contan con cidades culturais de tamaño pequeno ou medio onde os aloxamentos son máis pequenos.
