O Camiño do Norte constituirá ao longo do ano 2015 o elemento fundamental de promoción internacional da marca turística España Verde, da que forman parte as comunidades autónomas de Galicia, Asturias, Cantabria e o País Vasco, xunto a Turespaña, segundo se acordou na última reunión de coordinación deste distintivo turístico.
Para o ano 2015, está prevista a organización de distintas actividades de mercadotecnia nos mercados emisores máis importantes para o turismo do norte de España, no que destacan os produtos relacionados coa natureza, a cultura e a gastronomía. Ademais, España Verde previu realizar varias viaxes de familiarización para axentes de viaxes e periodistas.
Entre as accións máis destacables para a promoción do Camiño do Norte, España Verde previu organizar en colaboración co Instituto Cervantes, unha exposición itinerante en varios centros cos que conta este organismo no ámbito internacional.
Polo que alcanza a este Camiño, a marca turística España Verde prevé tamén a organización de actividades de promoción a través da distintas asociacións de peregrinos distribuídas en varios países, para o cal xa se está a contactar coas máis importantes.
