A aplicación móbil Visit Ferrol, que se presentou onte en FITUR, é unha ferramenta para a promoción da oferta e servizos turísticos de Ferrolterra e as Rías Altas, que pon a disposición dos cidadáns un amplo catálogo de interese que se pode consultar a través do teléfono ou en calquera outro dispositivo móbil.
Ademais, a oferta ferrolana centrouse noutros aspectos como a Semana Santa; As Pepitas; o Camiño Inglés; Equiocio; Fevino; Pantín Classic; a gastronomía; ou rutas temáticas da Ilustración ou do Modernismo.
Por outra parte, o Concello de Camariñas presentará hoxe Camariñas. Descobre o corazón do encaixe e avanzaranse os actos programados para a XXV edición da Mostra do Encaixe e a nova marca turística Camariñas, o mar todo.
