Ferrol celebra dende mañá, venres 21 de agosto, ata o 31 do mesmo mes as súas festas de verán, nas que a música e os concertos serán os grandes protagonistas.
Os festexos inícianse mañá co pregón, a cargo da actriz ferrolana Sonia Castelo, e cun concerto de Andrés Suárez, na praza de España.
Ata o 31 de agosto, Efecto Pasillo, Sés, El Columpio Asesino, Freedonia e Ara Malikian compartirán protagonismo musical xunto con outros artistas locais. Ademais, a maxia, o cine, as actividades infantís, o deporte ou a gastronomía -coa festa do choco- completarán o programa festivo.