Galicia conseguiu este ano un total de 131 distincións a praias, 8 máis que o ano pasado, repartidas por un total de 40 concellos.
Deste modo, a comunidade galega acapara o 22% das 577 bandeiras azuis totais outorgadas en España pola Asociación de Educación Ambiental e do Consumidor (ADEAC). A segunda no ranking nacional é a Comunidade Valenciana cun total de 120 bandeiras.
Este ano Sanxenxo volve repetir posición como o concello galego con máis bandeiras azuis, con 12 praias distinguidas. En segundo lugar sitúase o concello de Cangas del Morrazo, ao manter as 10 bandeiras do pasado ano.
Este ano a ADEAC concedeu a primeira bandeira azul en augas interiores galegas na praia fluvial da Calzada, no municipio pontevedrés de Ponte Caldelas. Trátase da segunda bandeira azul que se outorga a augas interiores en España, tras a adxudicada ao encoro de Orellana la Vieja, en Extremadura.
