Os hoteis galegos rexistraron máis de 1,3 millóns de pernoctacións o pasado mes de agosto, o que supón un 3,71% máis que no mesmo período de 2013, segundo o Instituto Nacional de Estatística (INE) que sitúa a Galicia como quinto destino preferido durante este mes polos residentes en España.
Galicia acolleu en agosto o 6,6% do total de pernoctacións de residentes en España, por detrás de Andalucía, Comunidade Valenciana, Cataluña e Canarias.
En canto ao grao de ocupación hoteleira por prazas, en Galicia situouse no 55,7 por cento no oitavo mes do ano, mentres que a estanza media baixou lixeiramente con respecto ao mes de agosto de 2013, de 2,23 noites por viaxeiro a 2,13.
