Un total de 44 viños galegos das cinco denominacións de orixe aparecen recollidos na guía Sin Mala Uva que se presenta hoxe mércores, no espazo enocultural Vide Vide de Santiago.
Trátase da primeira guía dedicada en exclusiva aos viños monovarietales e foi escrita polo xornalista gastronómico Ernesto Gallud, quen contou coa colaboración, entre outros, de Mercedes González, Marcial Pita e Luis Paadín. O obxectivo da publicación é reivindicar os viños monovarietales xa que encarnan a identificación plena das características de cada variedade.
Dos 500 viños referenciados, 44 son galegos, aínda que sobresae con 93 puntos Martín Codax. Destacan as variedades de albariño, godello, mencía e treixadura.
