
O xornalista José Ribagorda, editor e presentador do Informativo Telecinco Fin de Semana, así como creador da web De las cosas del comer, será nomeado hoxe embaixador do melindre de Melide no transcurso dun acto que se celebrará no devandito concello.
Ademais, procederase á proposta e aceptación de novos embaixadores que serán nomeados durante a XXII Festa do melindre, no mes de maio. Trátase de Juan Gil de Araújo González de Careaga, Siro González Fernández e Iván Domínguez Pereda.
Ademais, ás 17.00 horas, celebrarase a actividade Cata e harmonías escumosos de D.O. Rías Baixas e doces tradicionais de Melide a cargo da sumiller e tamén embaixadora do melindre Mercedes González.