A Feira do Viño do Ribeiro, que este ano celebra a súa 53 edición e que terá lugar entre o 29 de abril e o 1 de maio, acaba de presentar tanto o seu cartel oficial como algunha das súas principais actividades.
Entre elas, destaca, como novidade, a gala RibeiroRisas, que se celebrará o venres 29 de abril ás 23:30 horas no Auditorio do Castelo de Ribadavia. O evento contará cos monólogos a cargo de Tonhito de Poi, Isabel Risco e Fede Pérez. Ademais, continúan as actividades enogastronómicas ou showcookings nos que participarán os cociñeiros Carlos Maldonado, Héctor López, Alberto Lareo, Covadonga García e o catador Nacho Costoya.
