Compostela acollerá dende mañá e ata o 31 de xullo as Festas do Apóstolo 2015 que se iniciarán, de forma oficial, co pregón que ofrecerá a futbolista Vero Boquete e a actuación de John Nemeth & The Blue Dreamers e Fundación Tony Manero.
O programa, que será completamente gratuíto e que contará con actividades repartidas por máis de 20 puntos do municipio, ofrecerá unha gran variedade musical con rock, jazz, góspel e, por suposto, folclore galego. Ademais, 130 artistas locais participarán no novidoso ciclo Artellando.
