Segundo os datos de FRONTUR, Galicia recibiu, nos primeiros 10 meses do ano, máis dun millón de turistas estranxeiros, o que supón un máximo histórico na comunidade, superando nun 13% a cifra rexistrada o ano pasado no mesmo período.
Portugal e Francia, cun 44% e un 18%, respectivamente, de turistas estranxeiros, foron os principais mercados internacionais en Galicia ata o mes de outubro.
Por outra banda, segundo datos do INE, os hoteis galegos recibiron, durante o mes de outubro de 2015, un total de 377.444 viaxeiros, un 13% máis que o mesmo mes do ano anterior. En total realizáronse 698.973 pernoctacións, un 8,45% máis que hai un ano.
