Nordés, a Atlantic Galician Gin, creou unha colección exclusiva de adornos do Nadal, en edición limitada, deseñada pola firma de cerámica Sargadelos para celebrar estas datas tan sinaladas.
Trátase de tres ornamentos para decorar a árbore de Nadal, inspirados na botella de xenebra premium Nordés. Un está baseado na rosa dos ventos que indica os puntos cardinais e fai referencia ao Nordés, nome da marca de xenebra. Outro é un mapamundi, presente no frontal da botella. O último deseño, a través das súas ondas e o azul, simboliza un sopro de aire fresco.
Con esta proposta do Nadal, Nordés quere render homenaxe ás súas raíces galegas colaborando coa empresa Sargadelos, fundada no século XIX e comprometida coa cultura galega.
