Ata o vindeiro domingo, 22 de novembro, Pontevedra celebra a oitava edición do certame gastronómico Pontedetapas na que, nesta ocasión, participan 53 establecementos.
Do total de inscritos, 25 compiten en tapas tradicionais, 34 en tapas creativas e 14 na categoría de cócteles. Un xurado especializado presidido por Pepe Solla elixirá os gañadores, ademais, o público seleccionará, mediante votación popular, o premio Tapa Pontevedra. O prezo das tapas será de 2 euros e de 3 os cócteles.
