Turismo de Ferrol está a preparar un completo programa de actividades de lecer e deporte para a Semana Santa co obxectivo de visualizar o potencial e atractivo da cidade, aproveitando o elevado número de visitantes que se reciben nesa época do ano. A iniciativa enmárcase na estratexia turística Ferrol 12 meses, 12 aventuras.
Estas actividades -entre as que se atopan parapente, surf ou sendeirismo- serían un complemento aos eventos xa tradicionais que rodean a Semana Santa ferrolá, festa de interese turístico internacional. Ademais, haberá visitas guiadas ao castelo de San Felipe, rutas das Meninas, Memoria histórica, Ferrol rebelde ou Ferrol en feminino.
