As feiras do libro de Galicia arrancan a edición deste ano 2015, mañá, en Pontevedra, cun evento que se prolongará ata o próximo día 19 cun programa que inclúe novidades editoriais e outras actividades paralelas como contacontos, obradoiros ou firmas de libros.
Tras a feira pontevedresa, tomará o relevo a ferrolana, do 22 ao 26 de abril e a compostelá, do 1 ao 10 de maio; en Lugo estará do 12 ao 17 do mesmo mes; en Ourense do 2 ao 7 de xuño; en Vigo do 3 ao 12 de xullo; en Ribeira do 16 ao 19 de xullo e pechará este mes Rianxo do 23 ao 26. Xa en agosto, a feira chegará á Coruña do 1 ao 10; a Viveiro do 13 ao 16; a Foz do 20 ao 23 e a Monforte do 26 ao 29.
