Foto cedida por Turismo de Ribadeo
Ribadeo sitúase como o terceiro destino de praia español con mellor reputación online, segundo o ranking realizado polo buscador de prezos trivago.es tras analizar todas as opinións sobre hoteis aos que ten acceso.
Os aloxamentos de Praia de Muro, en Mallorca, son os que teñen a mellor reputación online de toda a costa española, cunha media de 84,53 puntos sobre 100. O podio complétano os hoteis de Hondarribia (Guipúscoa) con 84,35 puntos; e Ribadeo (Lugo) con 83,29 puntos.
No estudo que presenta os 80 destinos españois de praia máis buscados polos viaxeiros, obsérvase que os destinos do norte teñen as valoracións máis altas.
