Turismo de Galicia presenta a súa oferta en Nova Zelandia e Australia, ata o 30 de xuño, co obxectivo de manter e profundar o contacto coas principais empresas organizadoras de viaxes turísticas destas rexións. En concreto, estará nas cidades de Aucklan, Melbourne e Sidney.
Nas presentacións, nas que está previsto que participe máis dun centenar de operadores locais, Turismo de Galicia fará fincapé na difusión dos produtos turísticos relacionados coa natureza e a cultura, así como a gastronomía e os servizos hostaleiros da Comunidade galega. Ademais, o departamento de Turismo da Xunta presentará o Camiño de Santiago nestes países cuxa presencia nas Rutas Xacobeas comeza a despuntar.
Australia e Nova Zelandia constitúen dous dos mercados emerxentes máis interesantes para a Comunidade galega, xa que o incremento de viaxeiros que se rexistra en toda España xa supera os 200.000 anuais.