Obra de Maria Blanchard
O centro de Abanca en Santiago inaugura hoxe a mostra Tradición, cambio e innovación que durante todo o verán, en horario de 17.00 a 21.00 horas, ofrecerá a posibilidade de contemplar obras de primeiro nivel de grandes mestres do século XX.
En total son 111 obras dos fondos de arte contemporánea da entidade entre pintura, debuxo, escultura e fotografía organizadas en tres plantas para conxugar os fondos correspondentes a artistas galegos (en torno ao 60%) e os de españois e internacionais (un 40%).
Entre as obras elixidas hai varias de Picasso e Dalí e de artistas galegos como Castelao, Maruja Mallo, Laxeiro, Luis Seoane e Manuel Colmeiro. Seis delas ensínanse á cidadanía por primeira vez: Composición cubista con botella, de Maria Blanchard; Nature norte à la pipe, de Jean Metzinger; Weisslich, de Vassily Kandinsky; Composition sur fond bleu, de Fernand Leger; Le trouble du thaumaturge, de Giorgio de Chirico e Antártica desde el mar de Weddel, de Pamen Pereira.
