Turismo de Santiago espera superar, este ano 2016, as cifras de peregrinos que visitaron a cidade con motivo do último Ano Santo Xacobeo 2010, xa que aspira a chegar aos 280.000, 8.000 peregrinos máis que entón. Ademais, por primeira vez superáronse as 100.000 compostelas entregadas no primeiro semestre do ano -das que máis do 60% correspondían a turistas doutros países-.
Por outra banda, neste primeiro semestre de 2016, o aeroporto de Santiago incrementou nun 16% o número de pasaxeiros recibidos con respecto ao ano pasado e con máis de 400.000 pernoitas superou a cifra de 2015.