Turismo de Galicia e a D.O. Rías Baixas colaboran na promoción do novo paquete turístico da Xunta, Camiño, Viños e Camelias, unha combinación de visitas polo Camiño de Santiago, a Ruta da Camelia e as adegas Denominación de Orixe Rías Baixas.
Esta promoción realízase no establecemento Lavinia de París, especializado na venda de viños, ata o 2 de maio. A Xunta destacou que en 2014 Galicia recibiu 112.424 viaxeiros procedentes da capital gala, que representan o 10,4 por cento do total de turistas estranxeiros que visitaron a comunidade.
