A Mancomunidade da área intermunicipal de Vigo acaba de lanzar unha nova aplicación gratuíta para móbiles que promove a oferta turística dos oito municipios que a compoñen.
Os usuarios desta aplicación poderán encontrar información sobre a axenda diaria de actividades e eventos, os atractivos turísticos principais de cada localidade e datos útiles sobre onde comer e aloxarse.
Tamén conta coa sección descobre dende a que se pode acceder a contidos agrupados en actividades e deportes, espazos naturais, espazos urbanos, museos, patrimonio arqueolóxico, arquitectónico e etnográfico, praias marítimas e fluviais, pontes, rutas, sendeiros e vistas panorámicas.
