Expourense presentará a próxima semana as dúas feiras internacionais que organizará ao longo deste ano, 2016. Trátase de Xantar e de Termatalia que celebrarán as súas edicións 17ª e 16ª, respectivamente. Son, ademais, dous das cinco feiras internacionais de turismo que se celebran en España.
A presentación realizarase no marco de FITUR, a Feira Internacional de Turismo que se celebra en Madrid do 20 ao 24 de xaneiro, que se consolidou como un referente para o sector.
Xantar, que se celebra do 3 ao 7 de febreiro, presentarase o 20 de xaneiro e Termatalia México 2016, que se realizará do 29 de setembro ao 1 de outubro, preséntase o xoves. As dúas na caseta de Galicia en FITUR.
