Os tres aeródromos galegos creceron en número de pasaxeiros durante o pasado ano, 2015. En concreto o ascenso foi dun 7,5 % con respecto a 2014, o que supuxo superar os 4 millóns de persoas.
O de Santiago é o que alcanzou un maior incremento, o 10,2%, superando os 2,2 millóns de pasaxeiros. O da Coruña pasou do millón de pasaxeiros por primeira vez desde 2011 e aumentou un 3,7%, Mentres que Vigo creceu un 4,9% chegando ás 713.000 persoas.
En canto ao tráfico de mercadorías, Santiago moveu 2.311 toneladas de carga; A Coruña 140 e Vigo 536.
