A Coruña acollerá do 24 de setembro ao 29 de novembro a segunda edición do Festival Mar de Mares, un encontro internacional e multidisciplinar de preservación do mundo mariño.
No festival terán cabida exposicións, talleres, intervencións artísticas, encontros e debates, cafés científicos, gastronomía, limpeza de praias, un mercado do mar… En total suman máis de 30 actividades tanto artísticas, lúdicas como educativas.
O festival, destinado a todo tipo de públicos, ten por obxectivo resaltar a importancia dos océanos e o seu ecosistema como fonte de riqueza natural imprescindible para todos os habitantes do planeta. Por iso busca a concienciación de empresas, institucións e cidadáns.
