A Autoridade Portuaria da Coruña asistirá á feira ‘Cruise Shipping’ de Miami, á que acudirá dentro do espazo de exposición de Portos do Estado e cunha delegación encabezada polo presidente do organismo público, Enrique Losada e o xerente do Consorcio Municipal de Turismo, José Paz.
O obxectivo é presentar A Coruña como un porto estratéxico para o sector, pola súa situación nas rutas atlánticas e polo servizo que presta tanto ao buque coma ao viaxeiro. Nestes momentos a cidade conta con 92 escalas confirmadas para este ano.