O Inorde e a Axencia de Turismo de Galicia acaban de alcanzar un acordo para colaborar no desenvolvemento dun plan termal para a provincia de Ourense.
O obxectivo desta inciativa é dar a coñecer os recursos naturais e culturais de Ourense, estruturando a oferta, os recursos e os servizos para crear o destino Ourense, provincia termal.
A busca da sostibilidade, a desestacionalización da comunidade e da provincia en materia turística e posicionar Galicia como destino termal, son algunhas das outras metas que pretende lograr o plan.
Algúns dos proxectos previstos inclúen as infraestruturas e produtos termais, o coñecemento e a promoción de termalismo ou a constitución dun consello termal, integrado por representantes de ambas as dúas institucións.