O turismo enolóxico está de noraboa en Galicia. A Ruta do Viño de Rías Baixas situouse entre as seis máis visitadas de toda España con máis de 66.900 visitantes durante o último exercicio. Así se desprende do informe que cada ano presenta a Asociación Española de Cidades do Viño (ACEVIN), que confirmou con estes datos un aumento do 13% de visitas con respecto a 2013. Oito mil persoas máis en total. Estar entre as seis mellores de España é todo un reto se se ten en conta que compite con potencias como Ribeira do Douro ou a recén estreada Ruta da Rioja Alta que no seu primeiro ano rexistrou máis de 188.000 visitantes.
O informe, ademais, confirma que foi un ano positivo para o enoturismo, un modelo que se consolida como oferta turística. Os bos resultados provocaron que dende Turismo de Galicia pechasen novos acordos para poñer en marcha trens turísticos do viño. Un total de cinco novas rutas que se incorporan ás dúas xa existentes no programa “Galicia a todo tren”, en colaboración con Renfe. Novas alternativas dentro do turismo rural que aproveitan empresas como o buscador Goeuro.es, onde se poden comparar opcións de trens ou autobús e que ofrece a opción de reservar billetes de Renfe directamente dende a propia web.
A máxima responsable do organismo encargado de xestionar o turismo na comunidade autónoma, Lameira Castro, confirmou a incorporación destes novos traxectos que se internarán nos territorios das Denominacións de Orixe de Galicia: Rías Baixas, Ribeira Sacra, Ribeiro, Monterrei e Valdeorras.
A idea constará de paquetes para fin de semana na que se alternarán as rutas temáticas en tren coa estanza dunha noite nun hotel da zona. Tamén haberá ofertas con desprazamentos dende os principais puntos da xeografía española como Madrid, Barcelona ou Zamora. Un produto diferente co que se espera acadar 2000 novos viaxeiros posto que o número de trens estimados para a tempada será duns 50.
