Turismo de Galicia participa esta semana en dúas feiras nas que promoverá tanto o Camiño de Santiago coma o destino Galicia.
Por unha parte, entre os días 23 e 25 de outubro, a Xunta promoverá o Camiño de Santiago na feira especializada de turismo relixioso Gloria, con sede na cidade alemá de Augsburg.
Por outra parte, os días 24, 25 e 26 de outubro, Turismo de Galicia participará na feira International Tourism & Travel Show, que se desenvolverá na cidade de Montreal, Canadá, para promover os valores turísticos da nosa comunidade en colaboración con Turespaña.
