Segundo os datos da Enquisa de Movementos Turísticos en Fronteiras, Galicia conseguiu un máximo histórico ao sumar máis de 611.000 turistas estranxeiros nos primeiros 7 meses do ano, o que supón case un 11% máis que no mesmo período do ano pasado. Portugal foi o primeiro mercado internacional seguido de Francia e Reino Unido.
En canto ao excursionismo internacional, Galicia recibiu un total de 2 millóns de excursionistas estranxeiros sendo Portugal, tamén, o principal mercado.
Por outra parte, no mes de xullo, a comunidade rexistrou un 6% máis de turistas estranxeiros que durante o mesmo mes do pasado ano.
