Trevinca acábase de converter en destino turístico Starlight, un dos 14 que existen no mundo e o único en Galicia que conta con esta certificación.
Este recoñecemento fai de Trevinca un lugar idóneo para a contemplación das estrelas polas súas boas condicións e por estar protexido de contaminación lumínica, ademais dun dos mellores recunchos do mundo para a observación das estrelas.
Con este recoñecemento, avalado pola UNESCO, a Unión Astronómica Internacional e a Organización Mundial de Turismo, Galicia e, en concreto, Trevinca, incorpóranse a un novo polo de atracción de visitantes: o astroturismo.
