O barista Guillermo González fíxose co título de Mellor Barista de Galicia, na XI edición do Campionato Barista desta Comunidade celebrado en Pontevedra. González representará a Galicia na Final do XI Campionato Nacional de Baristas Fórum Café, que se celebrará en Barcelona o próximo mes de outubro.
Guillermo González, de Kanalla Coffee, desenvolve a súa actividade no establecemento Moon 93 do Carballiño. Guillermo mostrouse moi seguro e contou con 16 minutos para preparar aos xuíces 4 cafés espressos, 2 cappuccinos latte art e 2 bebidas de café con alcol e dous sen.
O segundo posto correspondeu a Marcos González, patrocinado por Cafento e representando á cafetería Belén, de Vigo. O terceiro posto obtívoo Sergio Piñeiro, estudante do CIFP Carlos Oroza.
